Sérfræðingur á sviði viðburðastjórnunar – Jólaþorpið í Hafnarfirði

Umsóknarfrestur frá: 14.09.2022

Umsóknarfrestur til: 29.09.2022

Tengiliður: Andri Ómarsson

Jólaþorpið í Hafnarfirði auglýsir eftir jólabarni í tímabundið hlutastarf.

Jólaþorpið í Hafnarfirði er jólamarkaður á vegum Hafnarfjarðarbæjar sem hefur sett svip sinn á mannlífið í miðbæ Hafnarfjarðar á aðventunni í tuttugu ár. Laus er til umsóknar staða hugmyndaríks sérfræðings sem tekur þátt í skipulagningu og framkvæmd Jólaþorpsins og tengdra viðburða í nóvember og desember. Starfið fer að mestu fram um helgar í nóvember og desember og er ca. 40-60% starfshlutfall.

Helstu verkefni og ábyrgð:

  • Tekur þátt í skipulagningu, undirbúningi og framkvæmd á Jólaþorpinu í Hafnarfirði og tengdum viðburðum. Meðal verkefna eru almenn upplýsingagjöf, samningagerð, öflun leyfa, öryggismál og viðvera á opnunartíma Jólaþorpsins í desember
  • Aðstoð við öflun umsókna í jólahúsin, samskipti söluaðila, afgreiðsla umsókna, samningagerð, upplýsingagjöf og þjónusta
  • Skipulagning og framkvæmd viðburðadagskrár, s.s. bókanir á skemmtikröftum og listahópum
  • Vinnur að markaðs- og kynningarmálum og útfærslu, samræmingu og framkvæmd fjölbreyttra markaðsaðgerða, s.s. birtingar á samfélagsmiðlum
  • Móttaka og þjónusta við sölufólk og gesti

Menntunar- og hæfniskröfur:

  • Grunnnám á háskólastigi (B.A/B.S) sem nýtist í starfi, diploma á sviði viðburðastjórnunar er kostur
  • Reynsla af undirbúningi og framkvæmd viðburða
  • Þekking og reynsla af markaðssetningu og innsýn í ólíkar nýmiðlunarleiðir og hagnýtingu þeirra
  • Hæfni til að sinna mörgum viðfangsefnum og geta til að vinna undir álagi
  • Góð íslensku- og enskukunnátta
  • Rík þjónustulund og jákvæðni
  • Frumkvæði, sjálfstæði, skipulagshæfni og lausnamiðuð hugsun
  • Rík samskiptahæfni og reynsla af þverfaglegri teymisvinnu
  • Geta til að bregðast við krefjandi og óvæntum uppákomum

Launakjör eru samkvæmt kjarasamningi Sambands íslenskra sveitarfélaga við Fræðagarð.

Nánari upplýsingar um starfið veitir Andri Ómarsson verkefnastjóri menningar- og markaðsmála í síma 6645779 og andriom@hafnarfjordur.is

Umsóknarfrestur er til og með 29. september 2022.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Önnur störf

Starfsheiti Umsóknarfrestur
Deildarstjóri launadeildar 25.09.2022

Starfsheiti Umsóknarfrestur